ક્યુબાના આખા દક્ષિણી તટ પર અમેરિકી નૌસેનાનું અત્યંત અદ્યતન સર્વેલન્સ ડ્રોન MQ-4C ટ્રાઇટન છ કલાક સુધી ચક્કર લગાવતું રહ્યું હોવાને કારણે વિશ્વમાં ચિંતા ફેલાઈ છે.
આ ડ્રોન ફ્લોરિડાના જેક્સનવિલ નૌસેના સ્ટેશનથી ઉડાન ભરી હતી. તેણે ક્યુબાના દક્ષિણી તટની સંપૂર્ણ લંબાઈને સ્કેન કરી, સેન્ટિયાગો દે ક્યુબા પાસે ચક્કર લગાવ્યા હતા.
આ મામલે ફ્લાઇટ ટ્રેકિંગે જણાવ્યું કે આ ડ્રોનને ક્યુબાની આટલી નજીક પહેલાં ક્યારેય જોવામાં આવ્યો નથી. આ ડ્રોન સામાન્ય રીતે યુદ્ધવાળા વિસ્તારો જેમ કે બ્લેક સી, પર્શિયન ગલ્ફ અને ભૂમધ્ય સાગરમાં જોવા મળે છે.

MQ-4C ટ્રાઇટન ડ્રોન કેમ છે ખાસ
► અમેરિકી નૌસેનાનું સૌથી અદ્યતન અનમેન્ડ એરિયલ વ્હીકલ (UAV).
► એક ડ્રોનની કિંમત આશરે 2000 કરોડ રૂપિયા.
► અત્યંત ઊંચાઈએ ઉડી શકે છે, લાંબા સમય સુધી હવામાં રહી શકે છે.
► રડાર, કેમેરા અને ઇલેક્ટ્રોનિક સેન્સર્સથી સજ્જ, જે જમીન અને સમુદ્ર પરની દરેક ગતિવિધિને ટ્રેક કરી શકે છે.

વેનેઝુએલા સાથે સરખામણી
સૌથી ચર્ચાસ્પદ વાત એ છે કે આ જ MQ-4C ટ્રાઇટન ડ્રોન છે જે અગાઉ વેનેઝુએલા પાસે 10 કલાકની રેકી મિશન પર ગયો હતો. તેના ત્રણ મહિના પછી અમેરિકાએ કારાકાસ પર હુમલો કરીને વેનેઝુએલાના રાષ્ટ્રપતિ નિકોલસ માદુરોને પકડી લીધા હતા (ઑપરેશન એબ્સોલ્યુટ રિઝોલ્વ).