અમદાવાદમાં લાંચિયા અધિકારીઓ સામે ACB દ્વારા લાલદરવાજા બહુમાળી ભવન ખાતે મોટી કાર્યવાહી કરવામાં આવી છે. બેંક ખાતું અનફ્રીઝ કરવા માટે વેપારી પાસે 25,000 રૂપિયાની લાંચ માંગનાર 2 અધિકારીઓ ACBની ટ્રેપમાં ઝડપાયા છે. સહાયક રાજ્ય વેરા કમિશનરની કચેરીમાં ફરજ બજાવતા સ્ટેટ ટેક્સ ઓફિસર કમલેશ ઠાકોર અને રાજ્ય વેરા નિરીક્ષક અઝીઝ મન્સૂરી ફરિયાદીનું બેંક ખાતું અનફ્રીઝ કરવા માટે ગેરકાયદેસર રીતે નાણાંની માંગણી કરી રહ્યા હતા.
ACB દ્વારા બંને આરોપીઓની કડક પૂછપરછ થઇ રહી છે તેમજ તેમના અન્ય દસ્તાવેજો અને બેંક ખાતાઓની પણ ઊંડાણપૂર્વક તપાસ શરૂ કરવામાં આવી છે.
ફરિયાદી લાંચ આપવા માંગતા ન હોવાથી તેમણે તુરંત જ એસીબીનો સંપર્ક કર્યો હતો, અને એસીબીની ટીમે સફળ છટકું ગોઠવી બંને ભ્રષ્ટ અધિકારીઓને ઝડપી પાડ્યા હતા.
About The Author
