ભાવનગરના સાંસદ અને ભારત સરકારના કેન્દ્રીય રાજ્ય મંત્રી શ્રીમતી નિમુબેન જયંતીભાઈ બાંભણિયા દ્વારા પોતાના જન્મદિવસે લેવાયેલા સેવા, સ્વચ્છતા અને પર્યાવરણ સંરક્ષણના સંકલ્પને 08 સપ્ટેમ્બર 2026ના રોજ સફળતાપૂર્વક એક વર્ષ પૂર્ણ થયું છે. પ્રધાનમંત્રી શ્રી નરેન્દ્ર મોદીજીના ‘સ્વચ્છ ભારત, સ્વચ્છ સાગર, સુરક્ષિત સાગર’ના સંદેશથી પ્રેરણા લઈને ગયા વર્ષે 08 સપ્ટેમ્બર 2025ના રોજ ભાવનગરના ઐતિહાસિક કોળિયાક દરિયાકાંઠેથી ‘પ્લાસ્ટિક મુક્ત બીચ’ અભિયાનનો પ્રારંભ કરવામાં આવ્યો હતો.
આ પહેલ યુવાનોને સકારાત્મક રીતે રાષ્ટ્રનિર્માણ સાથે જોડવા, આપણી સમૃદ્ધ નૈસર્ગિક વિરાસતને સમજવા અને પર્યાવરણ સંરક્ષણ પ્રત્યે જવાબદારીની ભાવના કેળવવાના ઉદ્દેશ્યથી શરૂ કરવામાં આવી હતી. આ સંકલ્પ અંતર્ગત ભાવનગરના વિવિધ દરિયાકાંઠાના વિસ્તારોમાં દર મહિનાના છેલ્લા રવિવારે સ્વચ્છતા અભિયાન ચલાવીને શ્રમદાન કરવાનો નિર્ણય લેવામાં આવ્યો હતો, જે આજે એક વ્યાપક જનઆંદોલનનું રૂપ લઈ ચૂક્યું છે.
આ એક વર્ષની યાત્રા દરમિયાન ભાવનગરના અનેક પ્રમુખ દરિયાકાંઠા અને જળ વિસ્તારોને પ્લાસ્ટિક તેમજ કચરામુક્ત કરવાનું કાર્ય કરવામાં આવ્યું:
08 સપ્ટેમ્બર 2025: કોળિયાક બીચ,26 ઓક્ટોબર 2025: કૂડા બીચ, 26 નવેમ્બર 2025: હાથબ બીચ, 28 ડિસેમ્બર 2025: રૂવા-ખાર બીચ, 26 જાન્યુઆરી 2026: રૂવા તળાવ, ભાવનગર (વિશેષ સ્વચ્છતા અભિયાન),05 માર્ચ 2026: મીઠી વીરડી બીચ, 09 મે 2026: ખડસલિયા દરિયાકાંઠો, 08 ઓગસ્ટ 2026: કૂડા ગામ દરિયાકાંઠો
આ તમામ અભિયાનોમાં વિદ્યાર્થીઓ, યુવાનો, સરપંચો, જનપ્રતિનિધિઓ, તાલુકા પંચાયતના સભ્યો, સ્વયંસેવી સંસ્થાઓ અને ગ્રામજનોએ ઉત્સાહપૂર્વક ભાગ લઈને શ્રમદાન કર્યું. દરિયાકાંઠેથી મોટા પ્રમાણમાં પ્લાસ્ટિક અને કચરો હટાવીને સ્થાનિક લોકોને દરિયાઈ નિવસનતંત્ર (Marine Environment) ની સુરક્ષા પ્રત્યે જાગરૂક કરવામાં આવ્યા.
About The Author
